अडानी शेअर्सचे भाव वाढले एलआयसीचे काय ?
या वर्षी जानेवारी मध्ये, अमेरिकन शॉर्ट सेलर कंपनी हिंडनबर्ग रिसर्चने अदानी ग्रुपवर स्टॉक मॅनिप्युलेशनचा आरोप केला. हा अहवाल येताच त्यांची संपत्ती १२० अब्ज डॉलरवरून ३९.९ अब्ज डॉलरवर आली. त्याचा प्रत्यक्ष आणि त्वरित परिणाम एलआयसी भागधारकांना, अडीच लाख कोटींचा फटका बसला आणि एलआयसीच्या शेअर्स चे भाव रसातळाला गेले. त्यानंतर अहवाल, त्रुटी, सेबी, संसदीय समिती सगळ्यांच्या माध्यमातून अडाणी ग्रुपने पुनश्च स्थिर स्थावर होऊन आजच्या घडीला अडाणी शेअर्सच्या भावाने उत्तुंग भरारी घेतली आहे. परंतु रसातळाला लागलेला एलआयसी मात्र अजून तिथेच गटांगळ्या खात आहे. शेअर्सचे भाव उतरण्याचे कारण अडाणी होते तर, अडानीच्या प्रगतीत एलआयसी शेअर्स पणं त्याच टक्क्यांनी वधारले पाहिजेत. नाहीतर एलआयसी शेअर्स भाव कोसळण्याचे कारण दुसरे काही असू शकेल, फक्त ते अडाणी सोबत जोडून सत्यता लपविली गेली की काय ? याचा तपास व्हावा.
विजयकुमार वाणी, पनवेल
कोणत्याही टिप्पण्या नाहीत:
टिप्पणी पोस्ट करा