विधानसभा निवडणूक सार्वत्रिक निवडणुकीचा आरसा नव्हे!!
लोकसत्ता दिनांक ३१ मार्च २०२३, योगेंद्र यादव यांचे देशकाल वाचले. कर्नाटक निवडणुकीचे भाकीत आणि त्याचे सार्वत्रिक निवडणुकीवर परिणामांत सत्ताधारी भाजपची पिछेहाट असा हिंदळणाऱ्या लोलकाचा एकक्कली कयास योगेंद्रजींच्या लेखात आहे. यापूर्वीच्या अनेक लेखात त्यांनी भारत जोडो यात्रेचे, राहुलच्या हिमंतीचे वारेमाप कौतुक केले आहे. पण या लेखात मात्र " यात्रेने प्रश्नही उपस्थित केले आहेत, गर्दीचे रूपांतर कायम प्रतिसाद, मतांमध्ये होऊ शकते का? " अगदी राहुलच्या सहभागाबद्दल सुद्धा प्रश्नचिन्ह आहे. असे अनेक वाक्ये लिहून संभ्रम निर्माण केले आहेत. एकीकडे भाजप जेडीएस युती, काँग्रेसला मुस्लिमांना गृहीत धरता येणार नाही म्हणतात. महाराष्ट्रतील सत्ता गेल्यानंतर निधीची कमतरता असलेल्या विरोधकांना किमान एका राज्यात सुस्थिती असणे , असे आक्षेपार्ह विधाने बरेच काही सांगून जाते. अशा अनेक विरोधाभासी वाक्यांनी नटलेल्या लेखास मात्र हास्यास्पद शीर्षक "कर्नाटक देशाला दिशा दाखविणार" दिले आहे. लेखक अनेक अंगांनी मोडलेल्या काँग्रेस विषयी सकारात्मक आहेत , पणं त्याच बरोबर विरोधात जाणाऱ्या भाजपची ११ राज्यात स्वतंत्र आणि ५ राज्यात युती सरकारे आहेत. म्हणजेच सर्वाधिक प्रतिनिधी निवडून येणारी महत्वाची राज्ये भाजपच्या अधीन असून याच जागांमधून सत्तेचा सारीपाट वर्षानुवर्षे खेळला जात आहे. त्यामुळे लोकशाही धोक्यात, भाजपचा कर्नाटकातील पराभव, दक्षिण भारतातून बाहेर पडण्याची सुरुवात वैगेरे वल्गना कितपत टिकावू ठरते हे पाहणे योग्य ठरेल.
विजयकुमार आप्पा वाणी, पनवेल
कोणत्याही टिप्पण्या नाहीत:
टिप्पणी पोस्ट करा