लेख (१७०) १६ मार्च २०२४

 

ऐशींची ऐसी तैशी !!

दिनांक १५ मार्च २०२४ लोकसत्ता अंकातील " म्हातारे तितुके  " संपादकीयात, चाळीसाव्या शतकातील अमेरिकेत जन्मलेल्या दोन चीर तरुणांच्या अध्यक्षपदाच्या लढतीचे चित्र रंगविले आहे .  वृद्ध होणे हे एका आकारात बसणारी गोष्ट नाही.  त्यास अनेक , कंगोरे आहेत , वाटा आहेत .  वेगवेगळ्या लोकांमध्ये त्यांच्या आयुष्याच्या वेगवेगळ्या कालखंडात वापरता येणारी बुद्धिमत्ता , चतुरता आहे, तसा  कमकुवतपणा असल्यास तसे व्यक्तिमत्व घडत असते .  ठराविक वयात परिस्थितीनुसार , प्रकृती स्वास्थ्यानुसार, अमर्याद बुद्धीची तल्लखतेची ताकद, एकाच वेळी अनेक गोष्टी लक्षात ठेवण्याची कला अवगत असू शकते . अमेरिकेत रोनाल्ड रेगन , ट्रम्प , बायडेन अशी सत्तरी ओलांडणारी अध्यक्षांची परंपरा आहे .  तशी क्लिंटन , बुश , यांच्याच वयाचे पण त्यांना फार आधीच संधी मिळाली . त्यात आता ऐशीच्या पुढील अध्यक्ष असे बिरुद मिरवित ट्रम्प, बायडेन चर्चेत आहेत .  अमेरिकेच्या आताच्या  सर्वेक्षणात १०० पेक्षा जास्त वयाच्या वृद्धांची संख्या २० वर्षांच्या तरुणांच्या दुप्पट आहे .  वयाच्या साठीनंतर निरोगी राहण्याच्या सवयी पुढील अनेक वर्षे सक्रिय राहतात .  चाळिशीनंतर उच्च पदाची , सत्तेची महत्वाकांक्षा वाढू लागल्यास, इच्छे नुसार,  कुवतीनुसार , साठीनंतर अनेक कर्तबगारांची करियर  घडलेली उदाहरणे अमेरिकेत तशी इतर देशातही आहेत.  बायडेन यांच्या वयाचा  विचार न करता, त्यांनी माजी अध्यक्ष ट्रम्प , ओबामा यांनी न केलेल्या अनेक द्विपक्षीय करार, बायडेन यांनी मार्गक्रमित केले असल्यामुळे.  संसदीय प्रणालीतील त्यांचे हे विशेष निवडणुकीसाठी उपयुक्त आहे .  व्यक्ती बद्दल किंवा त्याच्या वया बद्दल काय वाटते या पेक्षा पक्षाची ध्येय धोरणे राष्ट्रास विकसित करीत आहे , हे पाहणेही अमेरिकेच्या नागरिकांच्या दृष्टीने महत्वाचे आहे.  यातील ट्रम्प यांची उमेदवारीही तेवढीच महत्वाची आहे , चांगले किंवा वाईट याचा सारासार विचार करून , अध्यक्ष पदी , पक्षाच्या ध्येय धोरणांनुसार , साध्य करत , शेवटच्या टप्प्या पर्यंत पोहोचलेले ट्रम्प यांचे खर्च कौतुक करावेसे वाटते , त्यांच्यावर ९१ गुन्ह्यांचा आरोप आहे , तरीही आज अमेरिकन,  त्यांना सत्ताधारींपेक्षा अधिक सक्षम आणि प्रभावी म्हणून पाहतात .  ऐशींची ऐसी तैशी करत, जगातील सर्वोच्च पदाचा सन्मान ऎशींच्या तरुणालाच मिळेल हे मात्र आता नक्की ठरले आहे,  

विजयकुमार वाणी , पनवेल